TLB – The Lams Blog

gester isches bis am eis stark bewölkt gsi! mir heis du hiä no gnosse u si du chli am strand ga loufe … mir hei üs aber hennä guet chönne verdörle … kite, sandbilder mache, ume gumpe, bade, lustigi föteli mache und und und …

am abe simer no ds letscht mau ga ässe … si ids acl gange. isch äs typisches brasilianisches restaurant. mega eifach, aber extrem guet! marco het äs haubs huhn vom grill gno d kiddis hei spaghetti teil u i h äs feins poulet curry gha … d chällner isch mega lustig dert …

zum hei fahre heimer dr ober mega speed turbo böss gha … läck isch dä gfahre … we eine ir schwiz so würdi fahre, de weisig o nid was … dr päppu isch öppe 70 gsi u het gstrahlet wiä nä maiechäfer … däm macht si job äubä no freud, oder är fühlt sich wiä schumi !!! i ha no so zu gölä gseit, dä cha de sicher nid i däm tempo um diä scharfi kurfe ume … aber was het är gmacht … äs het gröret u gmacht u isch um diä kurve um, hätt chönne wettä mir sige nume no uf zwöi redli gsi … aber är immer no am grinse … aber mir si ohni schramme hei cho !!! zum glück !!

vorgester am abe simer mit em böss uf cumbuco ga ässe … das fiirtag isch gsi, heimer sicher ä haub stund ufe böss gwartet. d restaurant hei zum teil zue gha. mir si umi ids acai aber wemär gwüsst hätte dass mir über nä stund wüesse warte ufs ässe, u när wird nume d häufti gliferet wäre mir gloub gschieder dahei blibe … gölä het das ganze lustig gfunde, caipi sei dank … aber immerhin isches du am källner no i sinn cho u het mis u göläs ässe ono bracht!!

d sira u luca si beidi bi mir glschafe … so härzig üser zwöi kiddis …

mi chönnti meine, äs sigi hennä chalt hiä … nume öppe 26 grad ir nacht!!

hüt am morge simer umi ds outo ga zrug gä a flughafe … zerst simer no hurti uf cacai öppis wenigs ga ichoufe. hüt isch in ganz brasilie fiirtag … tag des kindes … zum glück het aber üse super mercato offe gha. no paar chliini sächeli heimer brucht u när simer richtig flughafe gange … oder hei emu wüuä! eigentich simer ja extrem zueversichtlich gsi dass mir dä dank am gps finde … hei ja ir letschti schwirigeri streckinä gfunde … aber äbä!! ups ke signal me … gps wird gesucht !!! söttige seich! aber das cha ja passiere … aber äs isch non stopp so gsi … gölä isch afe fasch grün im gsicht si vor ufrege … jupi,äs geit umi. aber scho gli umi nümme … in einer minute haben sie ihr ziel erreicht! em, u wo isch dr flughafe … gölä het no plöffet dass är ä spezielli abchürzig gwüsst heigi, besser gseit ds gps. auso guet, si haben ihr ziel erreicht … leider simer aber am aut flughafe glandet! u mir si zmiz so im nä nid ganz so fründleche quartier glandet! aber äbä, ruhig gölä, schnuuuufe … au zwo minute het är mi gfragt, gäu du luegsch wär um üses outo geit … ja schatz mache ig!! ihr müesst öich vorstelle, ihr stöt ufem jumbo parkplatz ganz allei u är isch am ume hüpere, will ca 80m witer vore ganz viel am schutte si gsi … hei no mau, ids regsch mi de uf!! han i dänkt. jedes mau wemär si agfahre, het är ä schwarze la lige u isch wiä ä pickte dr vo gfahre … i gloube gölä het wahnvorstellige gha …vollgas u när umi voll ufd klöz und und und. uf jedefau simer am flughafe extrem gstress acho … sofort het gölä bim usstige gseit, mache mir no grad fride!! em sicher nid, du lö…….!! dr ricardo isch üs cho abhole u het üs hei bracht!!

am nami simer no chli a beach … hami immer no nid ganz erholt gha vo mim mändi!!! i säge öich, wiä ä pickte het är sich verhalte!! jä nu, jetzt isches düre u i muess scho grad chli schmunzlä bim schribe …

hüt ir strandbeiz hets mir fasch eine gä … dr glace verchöifer (chüelbox uf redli) öppe so 70jährig wo dr ganz tag uf u ab geit am strand het ume räste vom gässne fisch bättlet bi üsne nachbare.är het nä du übercho, zerst het är no a sine plasticseckli gschmöckt, weläs dass am nöitralschte schmöckt (stinkt), u het aues samt am agässnige fisch dri glösst. das het mir mega leid da. obe uf sim chäreli het är ds seckli häre ta. när isch är dr räscht vom tag no ar pralle sunne ga glace verchoufe … ungloublich!! am liebste hätti ihm gäud gä, dass är öppis aständigs hätti chönne ga choufe … so schlimm !!!!

jetzt isch no grad dr ricardo mit sine zwöi meitschis da. hüt heissts de ade säge …

tja, u scho gli gömer o umi hei …

a ja genau, gölä hets no mau mit kite probiert. aber äs geit nid. är het z fescht schmärze. somit het är d kite saison abgschlosse! das tuet mir mega leid für ihn. aber i bi froh, dass är so vernünftig isch, dass är ghört het!!!!!!!!

ha mi scho dr ganz tag gfreut ufe voumond.gseht auso o ds brasilie schön us!!

düre tag simer am beach gsi hei natrüli umi chräbse gässe besser gseit si, ohni mi, u am abe simer uf fortaleza ine typische churrasceria ga z nacht ässe. all you can eat … für 19 real. das heisst knapp 10 SFR. wemä ds chärtli uf grün het gha sisi mit früsch grillirtem fleisch am spiess cho. agfange hets no lustig … dr erst spiess isch cho mit so komische lustige runde fleisch bitzli dranne. da aui hei hunger gha … heisi natrürli gno … ussert ig, das het mir grad chli zu komisch usgseh … si heis aui ache gwürgt u när het du gölä gfunde, das sigi irgenwellchi hode … em was??? dr chällner het üs du aber beruhiget u gseit , äs sigi nume hühner härzli … auso i hätti am liebste grad nümme gässe … am luca sini ouge si fasch zum gsicht use gheit … rot wiss rot wiss isch sis gsicht gsi … bis är du verläge glächlet het … d sira het zwöi drü mau dr chopf gschüttlet u när isch guet gsi. dr räschte isch aber mega fein gsi … sushi hets ono gä … marco het gfunde , är platzi jetzt de grad … zum glück aber nid … !!

lustiger wiis si üser tisch nachbare umi diä gliche gsi wo oscho im beach park näbe üs gässe hei … isch ja hennä zuefall!!

hüt simers umi ruhig agange … gölä sis chöni isch nid guet u därum simer när ganz gmüetlich chli a strand ga chille …

we är de scho nid säuber het chönne kite het är am luca äs paar privat lehrer lektionen gä … luca findets mega cool …

luca bim boddy draging

gester simer umi im beach park ds fortaleza gsi … u das mau hets chli meeeeee lüt gha … aber het grad mau guet ta, chli under d lüt ds cho!

d kiddis si fasch düre gheit u hei vor luter freud u ufregig gar nümme gwüsst wosi jetzt us erst druf wei … für ds hirni chli düre z lüfte simer ganz gmüetlich uf riese schwümmringe dürne hard core river gschlänglet … tempo öppe 3kmh tiefe vom river 80cm u au 3 meter si life guards gstande … passiere het eim dert sicher nüt chönne …

d grössi vom park chame mit em europa park vergliche … da weisch ja o am abe wiso dr d füess weh tüe

natrülich simer o wider uf diä ganz breiti rutschi gange, dert hei 6 näbenach chönne ache flitze. das het o mir gfaue !!! aber meh de nid …

när simer vor hiä u dert u äne u hinge u vore uf au bahne. luca isch so ufenä spick rutschi gange … het harmlos us gseh … het di aber öppe 2m usem rohr gspickt unde … so wiä usere ragete use … das het ihm du passt!

nachem zmittag het du gölä doch no uf diä schnällsti rutschi vor wäut wöuä … i ha nid grad so freud gha … aber är het gfunde, besser wird ds chnöi wäge däm o nid … ha ha ha

42 meter geits ds loch dr ab … zerst fisch no grad hurti chli im freie fall u när … bisch scho dunge …

nachem wäuä bad um wasser spielplatz simer när nach 6 stund umi hei zue. natürlich hets obligate gorilla föti nid dörfe fähle …

übrigens hei mir dr wasserpark säuber gfunde … bi ja scho chli stolz!!!

u ds dahei heimer o wider gfunde, zwar mit em nä mini umwäg aber acho simer guet!!

üse hüsli bsitzer het letscht jahr no vier chind gha u jetzt sis no zwöi … si chöme de öppe o mit cho dr garte bschütte … d bianca isch fasch 7 u d lisa isch 3. si mega härzigi meitschis, aber si hei mega brasilianisches bluet i sich … dr östricher drückt nid so düre bine …

sira bianca lisa luca

letscht jahr het luca nume krbsä gässe u jetzt nume d sira. findes mega cool … so viel fisch wiä diä zwöi ässe … eifach cool … mir natürlich o …

so, luca isch dä schlimm uschlag im gsicht doch no los worde … jezt cha är o wider strahle …

u i cha miner ferie ono chli gniesse …