Chräbse, Wäuä, Pizza

u scho isch mänti. D zit vrgeit o hiä im gmüetliche brasiliä schnäll. Ds zmorgä simer umi ids hotel näbe dra ga ässe. Auso verstöht mi nd falsch, äs het vier zimmer 🙂

zum zmitag het säch d sira chräbse gwünscht. Mir hei ihre dä wunsch erfüllt u si id barraca zwe chräbse mit pommes ga bstellä. Si u gölä heise gnüsslech verdrommet. D sia het gmüetlich vor säch häre ghämmerlet. Mi hets me glüpft aus schüsch öppis. D beach jungs wo hälfe starte u lande hei umi mal ä schou abzogä. Si wei gloub ar sira imponiere. Guet, i luegänä o gärn zue, obs bim kite oder bim saltos mache isch. Wo d fluet isch retour cho, hets rächt grossi wäuä gä. Das het dä manne passt. Zum znacht simer id pizzeria gange. Ds häiläit zum dessert isch ä schoggi pizza mit chäs gsi. …