Koffere, Affe u Oktoberfescht …

Am friti hani gloub dr ganz tag ghoffet, dss üsä koffer ändlich chunnt. Aber nei!! Mir si umi dr ganz tag am strand gsi. Zum znacht hets äs typischs brsilianischs gricht gä. Nämlich feijoada. I has nid so gärn gha, u bi dä andere bimer nid so sicher. Ou mou, i has gärn, aber jedä ussert gölä het nume im täller ume gstochert.

Am samsti wärend em zmorge isch ä vier chöpfegi affe familiä i dä paume ume klätteret. Mega härzig! Bim kafi am nami isch äs chlises outo parkiert, u i ha lut gseit, juhuiiiii üsi koffere chunt. Aui hei mi usglachet will dä typ ohni koffere isch usgstige. Oh mann, das wär jetzt zu schön gsi. Aber was isch passiert woner zrug zum outo isch, genau, är het üsi koffere usglade. I bi fasch usgflippet, u niemer het gwüsst wiso. Hät nie dänkt, dasi mini cheider u mi deo so chönnt vermisse. Am abe simer zum franz ads oktoberfescht. Isch mega lustig gsi. Us ersts hets grad ä chübu bier gä. U när het scho diä östrichischi bänd afe spiele. Leider dä sänger nume vier lieder/melodiä chönnä. Roooooosa munde … Dr franz het äs feins buffet gmacht, kautsalat, kartoffelsalat, käse spätzle, fleischkäse, weiss würste, schweine braten und natürli bretzel. Dr becker heigi zwe wuche müesse üebe, bisers heig chönne. Zur unterhaltig isch no ä truppe schuhplattler cho. So lustig, diä arme cheibä hei sälber scho fasch nümme chönne stah. Auso ehrlich gseit, diä iheimische hei so öppis vo möge bier trinke … läck du mir. D sira het du no bim nä tänzli vo denä schuhplattler mit gmacht. Nach däm fescht simer noads dorffesch vo parajuru. Auso eigntli isches äs fescht vom schutzpatron. Äs het karusell äs pirate schiff ä schiess budä u süsch no so drääis gha. Auso mir wäre nienä druf, äs ish alles mega erroschtet gsi u het mega gixet. D kiddis hei nid wöllä ga. Si heisech nid so wohl gfühlt. A däm fescht si sicher zwöi tuusig lüt gsi. Im dörfli gseht mä aube nume so vereinzelti personä. Uf jedäfau het luca bim schiesse abgruumt. Da heisi du gstuhnet.