Gester u hüt …

28 September , 2018 Off By Administrator

Gester simer erst am nami a strand het ja e ke wasser. D sira isch nid so fit gsi, si het du chli nache gschlafe. I ha mir no ä massasch gönnt.  Si het mi scho vor zwöi jahr massiert. Äs het im nach hinein mega guet ta. Wärend dr massasch, bini fasch gstorbe. Läck het das mir we ta, obwohl si doch so fiin u professionel het ta. I bi gloub äbä chli ä weh lidigi. Uf jedäfall fühlts sächs no hüt a, als hätti dr ganz rügge u d schultere inkl nacke, blau …

am abe simer du id kiteschuel ga znachtnä. Äs het barbäkju gä. Isch immer sehr fein. Stellet öich vor, mir si mau nid scho am 19.30 ids bett.

hüt am morge simer i diä nächst grösseri stadt, si heisst aracati. D edinete het zum zahnarzt müesse u mir si chli ga lädele. Ha doch jetzt o churzi hose kouft, ds gepäck isch ja immer no nid da. Isch ungloubläch, was da isch abgange i derä stadt. Isch öppe so gross wiä thun. Z miz i dä outo, bösse, velos u töffe, diä gmüetlich trabendä eslä mit ahänger dran, poliziste mit schrotflintene (dr finger de am drücker) luuti music  und und und. Isch mau ä abwächslig gsi. Ga ichoufä simer när im nä supermark.

Ds meer isch am mittag immer no wit wäg gsi. Mir si du aller füre zum wasser glüffe. Isch auso no wit gsi. Für zrugg heimer du bereits ä teil müesse schwümmä, da ds wasser retour isch cho. D manne si no ga kite u mir hei no chli gsünnelet. Übrigens het gölä sis nöie brättli inzwüsche voll im griff u luca siner tschamps wärde immer höcher.

zum z nacht hets feins rinds vom grill gä rande salat u iis.