das gibts doch gar nicht…….

no nach 17 jahr mit mim mändi hani auso mega gstunet. am morge isch är widerstandslos mit cho hard cor shopping mache. nachem mittagsschlaf hei mir abgmacht gha, dass är no chli geit ga kite. aber nei, wo mutti nach fasch 2 stund wieder isch zuesech cho het är voler freud gseit, mir gö ids hauebad! hä??? das isch jetzt aber ä film. hauebad u nid kite??? das geit doch nid. nach x mau frage hei mir du z’badzüg packt u si uf hyeres ga bade. aber das mega hauebad het ä hagge gha. badeshorts verboten und badchappe obligatorisch. schmunzel schmunzel…..

marco isch sech du mit wiederwille ga äs paar schleimi hose choufe. hane auso no nie so gseh i üsere liebes karriere… wow das isch im de no guet cho!! so jetzt zum wäsentleche. a ja, übrigens hani nä lieber i de badeshorts, isch eifach cooler u nid so gezwunge……Luca isch hundert mau d rutschi abe ud sira isch öppe söfu mau abem böckli gumpet.

auso, de mache mir üs morn ufe heiwäg u säge tschüss………………