relaxe…

hiä no äs föteli vo üsem churz usflug id düüne, diä si grad hinder üserer huustüre..

gester simer wider ids acai ga znacht ässe. isch umi mega fein gsi. leider gits ja üses lieblings restaurant nümme.

läck ha ig äs fägnäscht im bett gha letzt nacht. ne nei, nid d sira o nid luca sondern gölä wo het schmärze gha..aber öppe äs tabletti nä..nei wiso o!!

hüt simers gmüetlich a gange..si am morge no ids dörfli gane chnöi schine/manschette/verband choufe u hei no grad gmüetlich äs käfeli gno. aber fein isches de öppe grad gar nid gsi!!

gäge mittag simer du ohni kite a strand. das het du mi maa chi gwurmet! aber i begriffes ja o. chunsch dahäre wägem kite u när das. aber äbä

zum glück het mä hiä 95% wind sicherheit. schüsch würdi mis mändi de öppe überbiisse..aber so chaner sis chnöi la heile..hoffe äs göngi nid z lang..schüsch nütze ihm de diä 95% nüt!

für i de wälle ga ume z plansche het är sich uf zähn bisse..has dänk scho gshe!! gässe heimer umi bim alex, zwe chräbse 4 fisch chugeli u äs feins riis mit gmües dinne…

uf diä drü simer wider gäge hei..chli i pool ga gniesse..

a ja genau, am morge heimer no am nä tierli ds läbe grettet..dä veruckt cheib isch im pool am rundeni dräie gsi..öppe 20cm durchmässer het är gha. die Kröte

hinä mache mir wider öppis ufem grill…ä riisige bitz fleisch mit pasta u weiss no grad nid was….