bärge u bärge

A däm wocheändi si mir mau ohni mama gsi … die isch im schwarzwald ga welnesse … so hei mir du mau äs ganzes program vom fritig bis suntig chönne zäme stelle.

Nach der pizza am fritig abe si mir du am samstig früech uf Les Diablerets mau ga der ersch Schnee us probiere.

Es het mega gfägt u der fun park isch natürlich für kidis dr hammer gsi … itze müesse si nume no chli wachse für diä grosse kicker:

Nachemne feine fondu chinoise am samstig abe hei mir du am suntig no der leiterepass bestige … papa het du müese luege das er är jungmanschaft het nachemöge:

Wägem föhn hets üs – vorallem d’Sira vo Zyt zu zyt fach furt blase … mir hei aber düre gha u due nach guet 1.5 stund der pass erreicht.

U de glich .. hüt am abe wo d’mama wider isch zrügg cho, si du all mega häppy gsi …