fasch ke zyt

vor luter bade, sünnele, sandele u kite hei mir fasch ket zyt meh hie üsi brichte t’schribe … isch aber sicher äs guets zeiche das mir d’ferie jetzt so richtig hei afa gniesse.

nachem z’morge si mir meistens bim hus ume pool um, so chönne dr’Luca ud’ Sira plansche u mama u papa chli fulänze u d’sunne gniesse.

hi der blick vor dachterasse gäge strand:

gäge mittag geits de richtig Strand wo mir immer no uf jedere Site ca. 5km Strand fasch nume für üs hei. Für ds Kite isches super dr wind faht am morge am 8ti ah u es het de bis zum idunkle konstant äs 5-6 ideal füre 12 kite.

z’mittag gits de ir beach barraca bim Alex … mir hei mit “probiere geit über studiere” itze oscho ä chli ä ahnig was de chunt wemir irgen öppis bstelle 🙂

Da gäge die 5:30 d’sunne undergeit us de när i ca. 20min stock fischteri nacht wird chöme mir so gäge die 5fi vom strand zrügg wo de d’chind no im pool dr Tag lö la usgah …