we vier änglä reise…bängle hei mir dahei gla!

am 7.15 simer grad vorem huus ufs postouto bis a bahnhof. isch no komisch gsi, i bi mega ruhig gsi, u schüsch so vor de ferie spinnts mir doch immer chli..

thun, bärn u när simer scho z gänf am flughafe gsi. hurti no chli schoggi ga choufe u d stüürerklärig ga i briefchaste gheie u när ab ga z gepäck ufgä. si froh gsi dass dr kitebag kener problem het gmacht. d sira het sicher 20 mau no ufs wc müesse. mir zwo si no chli i duty free shop ga parfum schmöcke.

mit 1 stund verspätig simer du mit sehr viel träne abgfloge. oje, mi het auso d sira mega duuret. si het höllä angst gha. läck het diä grännet. aber när isches du super gange. zum glück.

ds lissabon simer mit über eirä stund verspätig acho, wäg de franzose, diä si am streike gsi. aber für üs isch ja das super gsi. so heimer nume zwe stund müesse warte. mir hei du im mc donalds no hurti ä hämbi inebige. eigentlich kenne ig ja immer lüt a andere orte. aber das mau het luca ä schul kolleg troffe. si si o uf brasilie.

dr zwöit start isch tip top gange. d sira het ufem ganz flug 2 stund gschlafe u luca öppe knappi 5 minute. grad wo är sech ergä het (mi hät ja äs game chönne verpasse) heisi im flugi wider liecht gmacht u scho hesch äs komischs sandwich uf dr schoss gha.

glandet simer du o guet, bis du d sira öppe 50meter vorem adogge über schwärsti übelkeit klagt het. em ja..da isch du mutti chli i stress cho, k….tüte füre ure zugret, ne nei sira, jetzt muesch du nid k… . i has natürli ganz fest ghoffet u dänkt, so da vore machet dass ir us däm flüger chömet!!!!!!!!!!!!!!!!!!!! aber äs isch aues guet cho!

bir passkontrolle acho, heimer ä schnitt vo 10min gha pro 5 schritt vorwärts z loufe. d sira uf de ärme, luca am bode hockend hets eim scho fasch angst gmacht. mir hei sicher no 25 meter vor üs gha u sicher öppe 100 lüt. ä iheimische het du beduure gha u üs gseit, dass mir mit de kiddis eifach näbe bir abschrankig füre chöi u diräkt zum schalter. marco het gseit, nei das chöimer emu nid mache, aber i ha nümme möge u bi eifach gange. luca u gölä si du o sofort nache cho. schwups di wups si mir düre gsi.

z gepäck heimer o aues übercho. em marco, weisch du wiä dä typ usgseht, wo üs chunnt cho abhole? nä ä! aber dä richard genannt ricardo het ä zedu mit üsne näme druffe gha.

ab ids outo u eifach nume no zum huus!! är het verzellt u verzellt aber zuglost het ihm gloub niemer me. no so müedi aha, u genau si üse brösmelt worde vo üs zwöine. luca ud sira si sofort igschlafe….

d sira het no so gseit im schlaf…gäu jetzt si mir z brasilianie.