zum glück…

So, mir si wider dahei acho. hei mir äs grosses huuuus. so nach 14 tag feriewohnig.

d’ schifffahrt hei mir o überstande. mutti het kes oug zue ta, die ganzi nacht. ufe u abe u ufe u abe, blitz u donner, strumböe und und und. ds wätter hets guet gmeint mit üs. eifach dr absolut horror, emu für mutti. d kiddis hei gschlafe u gölä hanig wach pautet. bi jedere wäuä hani ihn i arm klempet. u das 10 stund lang au minute. sorry schatz!!

mutti hets wider mau überstande u isch du z domodossola wider verwachet. dert hei mir üse pflicht ichouf gmacht u si när witer gäge z wallis zu gfahre. ufem simplon hei du d kiddis u marco schnäu ä power schneeball schlacht gmacht.

womer dahei si acho, hei mir hurti schnäu gwürblet u aues isch scho versorgt. am wösche bini o scho. aber no lang nid fertig.