typisch…….

hüt simer am nami dr stei bär campo d orso ga anluege. natürli hei mir müess ueche loufe. dert hets du nume so näs rot weisses plastic cheteli zur abstperri gha. äs isch ja nume zloch ab aber ke problem, mir wüsse ja wiemesech i de bärge verhaltet!!??????? mutti het vo afang a dr puls uf unändlech gha. d kiddis u vorauem mi maaaaaaaaaaaaa findet das no lustig. weni d kiddis ha z rächt gwise, hets immer usem oberhoupt sim mu so tönt, aaaaandrea, aaaaandrea tue doch nid ä sooooooooo, ääääääs cha doch nüt passiere. hm, het är z gfüel. links u rächts chame nume d flue abe stolpere rutsche gheie flüge und und und. aber nei, äs cha nüt passiere.u fäu fäu, het du dä usflug imne krächli gändet.

aui wider häppi simer du när no a kite beach gstartet. scho hie hets schwarzi wouche gha. aber hie rägnets ja nid bi schwarze wouche…hi

o dert isches wider typisch trachsel life abgange. zmiz i de sand düne hei mir schutzt vom windli gha. ds starte het du mi maa nid so passt. i ha ihm ja nume wöue häufe, aber o das isch du hinde use. het wie nä bär brüelet ( ne nei, nume wägem wind het är müesse bägge), u isch im stächschritt gäg emi zue cho. u när hets nume no buechstabe ume gwürblet. auso, o i ha du jetzt gwüsst wie dr wind chunt, u wo ni söu stah. ir gloubets ja nid, genau i däm momänt isches cho schiffe. ha grad chli gschmunzlet. hi hi hi, hani erlich gseit scho dänkt. d kiddis u i hei du schärme under de tüechli gfunde u hei üsem kiter zu gluegt. wo du aui wider zfride, aber pflodi nass si gsi, simer du hei ganes aperöli nä.

luca het du när wider z gfüel gha, är müessi statt dür türe dürs fänschter ine cho, ds scharnier het är aber überseh. das zeichnet sech jetzt längs übere rippi boge ab. da het är du d sirene losgla. autsch…houpsach d rippi si no ganz u är het wider ä story zum verzeuä. luca life!!!