u scho simer 3 tag hie…

i dene täg heimer super fein gässe. marco het am samsti grilliert. mmh isch das fein gsi. mutti isch äbe ir narkose gsi u het du am viertel ab sibni eifach nume no chönne häre hocke.

gester isch marco ga kite. äs sige mega gsi, hets vo sim stralende gsicht use tönt. luca het du mi guetschin iglöst, wo är zum geburi het übercho. ganz stolz si mir zäme id surfschul u hei material gmietet. wow, die ouge, so süess. marco isch du mit im use u het im ghulfe. nach zwe minute het du mutti müesse ga dr anzug hole füre “aut” . luca het mega kämpft, aber wo är du herr schlumpf isch gsi hei mir doch du entschlosse dass mir ihm no ä azug müesse ga choufe. e ja……. hei dänk sigi nid so schlimm…brr

d sira isch am strand wie immer mit dr znüni box beschäftiget ( was chönnti no ässe…) u natürli dr viel sand wo ire im buchnabu u zwüsche de zäie chläbt, use z grüble. wenn si im wasser isch gsi, nimmt si immer no äs chesseli vou wasser mit a platz, dass si sech dert d sandfüess cha abwäsche. jede het wol si tigggggggggggg….

am abe nachem apero mit däpps (higs) si mir du no zämä ga znächtle.

hüt si mir ar sunne na gange. hei gar nid so wit müesse fahre, si bim campo testa ga bade. dert simer üs vorcho wie ir südsee (si zwar no nie dert gsi, aber äs isch äuä so). hammer das wasser u dä strand. dert isch du mau bade u sünnele ohni wind agseit gsi. nachem znacht isch du scho gli mau virabe gsi, o für papa. mutti het unbedingnt no müesse ä krimi luege, i ha du d bäuke uf dr terrasse ire rekord zit zue gha…..uäääää