Ou läck du mir …

Hüt nachem zmorge isch d stimmig chli betrübt gsi bi üsere huus familie. D edinete het säch chum isch z morgä ufem tisch gsi oscho umi verabschidet. Si het üs vor fründinn vor eduarda verzellt, wo jetzt grad a chräbs gstorbe isch. Oje, das het mi mega tuuret. Am liebstä hätti grad afe gränne. Si isch ad beärdigung gange. Das het mi grad räc
ht nach dänklich gmacht, 6 jährig isch si worde!

I hami du am haubi zäni uf mini massage probier z konzentrierä. Läck het das guet ta. Wosi zwar hinder mi rügge isch, hätti chönnä pääge. Autsch!! Aber 95% vor massage het guet ta.

När simer umi a strand. D manne si mit dä 12er kites dusse gsi. D sira u i hei chli dr strand erkundet. Hiä ä kokosnuss da ä schnur dert ä muschlä … vo witem heimer du när gmeint gha, mir gsengä ä grossi quallä. Womer si necher cho heiemr gmeint gha, äs sigi ä stei, aber womer du no necher si cho, heimer ä schöni wasserschildchrot vor üs gha. Si het nümme zablet. D sira het sä sofort gno u ids wassert ta. zum glück isch dr kitelehrer dert gsi u het säch när um das tier kümmeret. Leider isch si sehr schlächt zwäg gsi. Är het aues gä, für sä z rettä.  Das isch vine biz äs erläbniss gsi. Luca kitet afe hennä guet. Macht richtig freud ihm zue zluegä. Gölä natürli o!!! dä nimmt jetzt o grösseri sätz, nid nume no ä guete meter sonder öppe 3-4 meter flüg.

Bim zmittag ässe heimer no mit denä zwöi andere schwitzer päärli gred. Isch no lustig, si beidi vo biel heisech aber nid kennt.
D kiddis heimer nachem mampfe fasch nümme usem meer bracht.

Dahei heisi no mit dä girls gspillt. Zum znacht heimer ä feine brasilianische poulet eintopf mit riis gha. Herrlich.

Zum dessert hets ä caipi gä. Dä isch super fein gsi, nume isch ds doofe dranne, dass i när aube grad muess ga ligä. Bi aube grad chli blämm …