oh lala….

hüt isches wieder nid so schön gsi am morge, u dr wind hetsech o zit gla. mir hei du entschlosse, dass mir wieder mau zu den schiggi miggi nach st.tropez gö. da hets sech mutti natürli mega gfreut. nachem erste stune vode immer grösser wärdende schiff, hei mir üs du für näs käfeli entschlosse. mutti isch fasch düre gheit, vo dene bonze schiff, u am wärweise wärs äch chönnti si. i bi ir meinig, dass es dr leonardo di caprio mit fründin isch gsi, aber marco dä het nume glachet. ej ja, hät ja chönne si. chrige du hesch mer gfäut ( erfahreni porto cervo spannerin).

mir hei üs o für näs schiff entschiede

aber dr herr von känel vor bank würdi üs äuä nume das hie empfähle..

nachere stündige schiffsrundfahrt (dr wind het du inzwüsche igsetzt..)simer du wieder troche u heil u vorauem mit leerem mage, ne nei, mir hei nume no nüt z mittag gha, im hafe acho. wow die bonze villas si scho no so idrücklech gsi, aber öb mir glücklecher wäre mit so eire um ne grössere thunerseeschiff, das fragt sech. aber ehrlech gseit, wärs scho mega cool, so ganz prozig im hafe vo st.tropez azlege u z schiff vo de jungs mit mukkis la z putze. hi hi hi……………………

ah ja, wo mir z hyeres si gfahre hets gnislät u wo mir z st.tropez si usgstige het natüli d sunne gschunne. e ja, wenn engels und bengels reisen.