häppi börsdey……..

hüt het üse chli schatz geburi. häppi börsdey SIRA!!!!

am morge isch natürli nüt gsi vo uschlafe. am haubi achti het si scho zerste päckli vo luca ufta. wow ye cool……. nachem feine zmorge isches du witergange mit uftue. marco isch du ga kite. äs het ja nume öppe äs 7 gluftet (besser gseit gstürmt). mir drü si du no für d geburi party ga ichoufe u dä fein geburi chueche ga abhole.

wo mir du am strand hei wöue ga luege wo papa isch, simer du baff gsi, dass es söfu het gluftet. hammer…………… är isch emu nümm ufem wasser gsi mit em 8er schirm.

uf die zwöi si du ar sira irei gspändli cho. dr matteo d naelle u dr yannick si cho fire. d eutere heimer ufs wasser gschickt. nachem spielplatz simer du uech ga zvierne. d sira isch mega häppi gsi, u dr papa isch inzwüsche u müed ids bett gheit. är het arme soläng wiese d affe hei, u nä rote grieng wie ä ample. aber das chunnt vom sport………………