troumtag …

eifach dr absolut wahnsinn, was mir hüt erläbt hei!! bi ko aber richtig häppi.

übrigens hei mir gester am abe üse erst bär gseh. isch zwar nid so nach gsi, aber mi het nä guet gseh. är isch chli am beerelä gsi. d sira isch plötzlich wiä ä pickti vorem cämper gstande u het ke ton meh usebracht. läck du mir, mis härz isch grad i einisch id hose ache grütscht. äs isch nämlich scho am idunkle gsi ud kiddis si no immer am umehüenere gsi. ä ä ä bäääääääär!

hüt simer am morge am 9 abgholt worde für ga ds downhille. muess mä ja fasch u wemä de scho mau ds whistler isch, de umso meh!! 🙂

läck isch das ä cooli sach. gölä u luca hei üs super instruiiert. merci jungs!! diä ersti fahrt simer so wiä ä schnägge family ache ghuschet. aber när heimer gas gä. u i ha immer no nache möge!! aber nach dr dritte fahrt het mutti ke chance meh gha. i gloube mis bike isch nid so guet gsi, dass diä andere immer schneller si worde 😉 bi mir hets immer brämset! bir sira heisech d angstgen sofort glöst. diä isch mit dä jungs über das züg abkutet wiä blöd. u mutti natürli hinger nache, nume nid ds schnäu!! aber o i ha gmerkt, wemes chli meh lat la chute, gits weniger schleg. zwüsch düre heimer d jungs chli säuber la fahre. si ja anderi pistene gwahnet. het am afang grad chli muet brucht, diä aleger zfahre. aber o das hani gschafft. bi auso rächt stolz uf mi, hani das packt. am abe am 5 heimer d bike ohni chrazer o bi üs am körper wieder abgä.

vo gölä heimer leider kes foti, da är immer het welä fötelä. isch gloub o gschider gsi. nach däm hammer tag simer no ganes aperöli nä. u dert hani du gmerkt, dass ig mi eigentli gar nümm cha bewege. läck tuet mir mi arsch weh!! e ja, bi haut ä sitz down hillerin 😉

u när, hä, was heimer no gseh. ä chline gali bär. zmitz uf dr piste. so härzig. dä het so freud gha, är het auä gar nid gwüsst, ob är söll d hinderbei use spicke oder d vorderbei. ha nid emau müesse zuuumä, so nach isch är gsi. aber äbä, wo isch d mama gsi??????

zum znacht hets grad nümme gä. mir gö lieber ga schlafe !!