lake louise bis …

hüt heimer ä mega fahrt gmacht. si am morge bezite gstartet u hei underwägs ds golden no öppis kömerlet u när du fein zmörgelet. nach dere churze pouse simer richtig revelstock tonnderet. u när dert, läck het das mi ag…….e, isch gölä uf diä super idee cho, mir chönnte doch dä stoudamm ga aluege. ha ha ha! has grad gar nid lustig gfunde. jä nu, ha ja mit müesse. ä ganzi stund simer dert ume ghüneret u hei diä sehr intressante sache agluegt. obwohl, d kiddis u gölä heis mega intressant gfunde. nume mutti het gstöreselet.

wo mir du ändlech hei chönne witerfahre, simer immer meh ids schlächte wätter cho. läck si mir ines uwätter cho churz vor kamloops! bisch müed vom fahre u när hundlets di nume so ume im fahrende cämper!
eigentli hätte mir mit mim cousin bob no welä ga znacht ässe, aber da ir ke empfang meh hei gha, isch du das richtig ids wasser gheit. dert womer hei welä ga übernachte, churz nach cache creek, hets du o gschiffet. jä nu, isch grad gmüetlich gsi.

gölä ud kiddis hei kochet. mega fein isches gsi. leider het mä nid dörfe füüre. hätte ja o nid chönne bi däm wasser 🙂