ke bär drfür ä cousin

diä letschte zwe nächt heimer nid so guet gschlafe, da tier uf dä schine si gsi ud loooooki het müesse huuuuuuuuuuuuuuuuuuuuuuuuuuuuup – äääääääääääääääääääääääääääää. nid einisch nid zwöi mau öppe füf mau hingere nang. i säge öich, mir si fasch im bett gstande. am erste abe simer üs vor cho als würde mir ds kandersteg cämpe. da tönt de äs huuuuupi no viel lüter. übigens het so nä zug durchschnittlich 250 wäge u drei lockeni.

düre tag simer am zisti uf banff chli ga schöpperle. läck het säch diä kreditcharte gfröit, mir üs natürli o 🙂
eigentli heimer ja gar niä bis dert häre welä, da mir aber no grad chli zit hei gha, heimer das gmach. lohnt sich auso.

da mir immer no ke bär gseh hei, simer äxtra uf dr landstrass zrugg gfahre. äs hei üs äs paar lüt gseit, dert heiges immer bäre. voller freud simer der düre gfahre. scho nachem erst kilometer hätti chönne schlafe, isch vilech no asträngend hinder jedä busch z luegä uds hoffe mi chönni andlech pääääge, ä bääääääär! nüt isch gsi. nume ä elch heimer gseh, dä drfür vo ganz nah! isch o sehr idrücklich gsi, isch äs mega tier. aber äbä ke bäääääär!! am ändi vo dere strass si scho d steine umeglüffe u aus wosech irgendwiä bewegt het, isch sicher grad ä bär hinde dra gstande. auso ehrlich gseit, mir si aui sehr entüüüüüscht gsi. wider trachsus gseh ke bär!!

am abe heimer no mit mim zwöit cousin bob abgmacht. mir hei ds lake louise city down town abgmacht. hei a nid gwüsst gha, dass lake louise nume usem nä grosse parkplatz mit lädeli u restaurants besteit. mir hei du am bob gschribe, mir sige obe bim lake. i hami extrem gfreut uf ihn. o ihn hani no niä gseh. bi denn no zchli gsi wo är ir schwiz isch gsi. ändlech, jetzt ischer cho. mir si aus sehr erstuunt gsi, wo är paar wörtli bärndütsch gred het. är heigi das nie verlehrt! mir si zämä ga ässe u hei ä gmüetliche abe zämä verbracht. är isch du no mit ufem rv cho u mir hei bis am haubi elfi witer quatschet.

obe bim lake louise het mä ä gletscher hennä guet gseh!