was für nä tag …

nach derä räge nacht oder besser gseit schiff nacht heimer du z morge müess dinne ässe. äs het immer no grägelet. ir nacht het mä d steine mega guet ghört im bach ume droole. ha fasch nid chönne schlafe. ha nämlich hennä respäkt vor setnige riese bäch!! ja ja i weiss, bi chli äs mutti dert düre 🙂

mir si nid los gfahre ohni dr gletscher no ds gseh. mir hei isch picku u seili glade u si ufe 4km läng wäg. em ha gloub chi übertribe, hei eifach diä guete schueh u rägejagge agleit u si los marschiert. isch auso no idrücklich gsi. underwägs simer no so a ruiine verbi gloffe. dert isch aube no äs luxeriöses hotel gsi, mit schwizer bergführer!! eine vo zermatt u dr ander vo interlake! hm, nid schlächt, hä?

obe bir houzbrügg hani du fasch zueständ becho. läck ha ig angst becho. i ha über dä riiiiiissssssend bach müess loufe. i ha das fasch nid chönne. i ha nämlich mega angst vor setnige bäch! marco het mi du ad hand gno u när simer zämä übere gloffe. pooooo, das het da i däm bach inne … luca ud sira si nid nache cho, wöu ig so chli verdatteret bi gis. uf diä wildiste achtibahne geisch de u für über diä brügg hesch schiss!! komisch …

ufem heiwäg heisi no übere ander bach dörfe loufe. das het du mega gfägt!

üser nachbare si mega cool gsi, ä gruppe vo füf jungi gielä wo im räge z zält hei ufstellt zum zmorge hei powerade trunke uds outo voll long boards gha hei …

d ursach füre stou vo geschter heimer du o obe ufem rogers pass ob gseh – ä usbrönnte car! uf dr reis nach radium hotsprings heimers mega lustig gha. da mir immer no sehnlichst ufene bär am warte si, heimer kamera parat gha u üs aui ufe strasserand konzentriert. i stelle mir gloub chi öppis falsches vor, da springt ä bär zum busch us, steit vor üs häre u seit hi, I’m grizzli, grizzli bear. u zwinkeret üs no mit dem oug zue. läck, weisch wiä ig freud hätti .-) juhuiiiiii
leider isch das aber nid so! d sira het uf z mau hine füre päääget, ä ä ä ä äs näscht. ja sira, so settigi adler näscht heimer scho mega viel gseh! u scho het mutti ä coyote gseh ufem fäld dusse. has aber mire familie o z’spät chönne mitteile.

hiä acho, heimer üs mega gfreut ufene warmi duschi. miner haar hei scho angst gha, si verfilze sech de öppe. hei ja zwar i de letschte drü täg scho im see badet, aber so richtig dusche heimer nid chönne.

d sira isch am fische u am bade im gletscherbach. mutti het zwe maschine gwäsche. gölä isch am läse. luca am füür mache.

mir hei ä wunderbare platz uf däm the canyon rv park.