by by …

hüt heimer penticton definitiv verla. isch u schwirig gsi für mi! wo mir dr camper wider uf reise umgstellt hei, heimer ar schwo u fam tschüss gseit u när simer no hurti zu bekannte ga hallo u tschüss säge. si hei mega freud gha. äl isch no grad siner jungs am couche gsi. si hei ä baseball match gah. ds durchschnitts auter isch ca 70 gsi. hennä cool!

zmörgelet heimer bim tim hortens mit mam u pap. si hei ke hunger gha, si gloub o chli truurig gsi, dass mir si gange. aber mir hei ä super schöni zit zämä gha. für mi isches sehr wichtig gsi, mau ga z luege wo miner eltere gläbt hei!

üsi reis isch du vo penticton, summerland, kelowna, vernon, u när quer feld ein nach nakups. ir nechi vo kelowna heimer fasch nümme gseh. äs het so starche dunst gha oder besser gseit rouch. leider isch o dert äs riisse füür usbroche. äs het fine bitz gstunke. zum glück simer du i diä anderi richtig!

jetzt simer im mc donald creek park. gseh schön ufe see u hei oscho badet. herrlich gsi.