uss, isch das grusig….

hm, leider isch z wätter nid so guet. gester simer du us zit vertrieb ga shoppe. e ja, da het mutti ja o freud gha. i ha nämlich mini jagge dahei vergässe. das cha ja mau passiere. voller freud bini i decathlon ga luege. aber ir gloubets nid, äs het eifach nüt gha womer passt het. jä nu, jetzt harre ig haut mit em faserpelz jäggi us.

d kiddis z lieb simer du i mc donalds ga zmittag ässe. äs mega highlight!! luca het du so wöue tue wie äschi ätti tuet, ar isch i pfoste ine gloffe, aber nid mit absicht. i gloub är muess no chli üebe bisers o so guet cha wie ätti. jetzt hets du haut ä püle gä u äs paar träne.

hüt heimer mit em papa wöue ga kite. är wäri de ufs wasser u mir hätte de vom outo us zue gluegt. aber dr wind isch wäg gsi wo mir si cho. d kiddis si du bau chli entüscht gsi, dass mir üses tags bivak im outo nid hei chönne ufschlah. nachem mittagsschlaft vor mama um papa simer du när ga spaziere, füre ufs klippe. mutti het fasch im rote dreit. das isch so steil gsi u glitschig, u när isches eifach öppe 50m ids meer ache gange. i ha mi mega ufgregt ab mim maaaaaaaaa u de kiddis. aber ehrlich gseit isches vo dert wo mir si gstande, bis zum abgrund sicher no 5m gsi u vorauem flach. auso eigentlech gar nid schlimm. mi chasech o i öppis inesteigere. i bi du när mit angsthase bombadiert worde vo de kiddis………….