gester …

gester isches chli chüel gsi u het am morge chli grägelet. bi bau froh gsi. ir vordere nacht isches niä under 25 grad. isch grad chli warm zum schlafe. aber jammere wott ig ja o nid. i ha mi summer!!! jehaaaaaaa

trotz däm chüele wätter si temperature bi 30 grad gsi. grad so agnäm. gäge mittag simer du alli zur riggä, das isch mis gotti. si wohnt im nä ruhige quartier. mi eint gusä isch o dert gsi u isch du üsi gugusinä ga holä. dä unde ufem bild mit dä schwarz wiisä badhosi isch übrigens mi cousin.

nachem nä churze schwaz ( öppe 3/4 stund) simer du a ander see, d makhayla heimer o grad mit gno. si het üs no chlli sache zeigt. nachem ässe simer du no zur red rooster wynery ueche gfahre. schön gsi, dür diä hüüfe räbe z fahre.

übrigens heimer üs hiä ds penticton no äs outo gmietet. isch grad chli gäbiger als immer mit em camper ume zfahre.

ü i säge öich, da geit de fine bitz ab, wemä ufs gas drückt!

am abe si mir froue u luca no gane glace choufe. da ig zerst mau mit derä maschine bi gfahre, hani nid gwüsst gha, ob ds liecht hinde o geit oder nid. d sira isch so lieb gsi u isch no mau us gstige ga luege. alles io, churz bevor si wider im outo isch gsi, isch plötzlich ä komische typ vorem outo gstande mit ärä schlange ume haus. läck du mir, mir si aui hennä verchlüpft, d sira isch ids outo gumpet, nach däm ig si chli histerisch ufgfordert ids outo ds cho, dass mir so schnäu wiä möglich chöi wäg fahre. stiiiiiiiig iiiiiiiiiiii, soooooofooooooooort. gas gä, u wäg simer gsi!