vo tofino nach …

geschter heimer ä 12stünder outofahrt gmacht. puhh, isch grad chli läng gsi. zerst wider zrugg uf nanaimo, wo d fähre nach vancouver gfahre isch. u när no witer i manning state park. d strecki ds vancouver island chame vergliche mit uf adubode fahre, eifach mit viel wasser drum herum! uf dr fähre hei mir öppis ganz spezielles erläbt. zerst heimer gmeint, ä tsunami chömi, när ä wäutundergang. het usgseh wiä bi pirats of caribien, wo ds schiff abe gheit isch. aber nei, üs het du ä iheimische ufklärt.

dr fraser river chunnt dert ids meer ine. mir hei auso rächt gstuunet.

am abe simer im manning state park gstrandet. eifach im niemands land. ke handy netz ke verbindig eifach nüt! böim bärge u wasser. u natürli d chipmunks. diä cheibe si mega fräch gsi. sider um bei um wiä chatzi.