im wald …

Nach däm wunderbar tag simer du no richtig tofino zue gfahre. churz vor port alberni heimer üs im nä state park i ghuset. zmiz i denä riiise böim heimer üse camper parkiert.

ä wasserfall sigi ds häi läit i däm park. auso hei mir d wanderschueh gsattlet u si dä ga sueche. wow, mega schön! leider isch auses mega umzuunet gsi. dass o ja nüt passiert. aber ir gloubets nid. äs het auso so riise duble gä, wo über ds gitter klätteret si u bim wasserfall uf dä glitschige felse ume kragslet si. dr best isch ja gsi, si ehi flip flops anne gha! da hani du grad chli müesse dr chopf schüttlä. näbe mir isch ä frou gstande, wo zu irem ma gseit het, hesch gseh, diä hüüärä dublä! i ha du gschmunzlet.

zum znacht heimer ändlech üses füür chönne mache u hei ä bitz fleisch druf da. d kiddis hei flissig gholfe bim holz schitte.