geburi tag …

hüt isch ar sira ire gross tag gsi. hm, scho zäni 🙂
nachem feine zmorge simer hurti no ga kömerle. d sira het säch nämlich äs aperöli am abe mit geburi turte gwünscht. d turti hani bereits am zisti bstellt. zwe äbeeri turti het si welä. das de emel ja für aller längt!
uf diä drü heimer mit rupps u rüegseggers bim trampolin abgmacht gha. vorhär simer no am strand ds nöie spili ga usprobiere!

nachere rundi trampolin gumpe für aui 7 kiddis heisi du no dörfe useläsä, öb si lieber uf töffe, quads oder diä schnällä go cards wei ga. d wiber u matteo si ufd quads. d jungs si ga go card fahre. säubstverständlich hei di gross buebe (vätere) o mit müess ga luege. heisi üs emu gseit. aber mit däm grinse im gsicht, wosi si zrug cho, heimer genau gwüsst dass o si si ga fahre 🙂

dahei heimer du ds apero u diä feine geburi chüechä füre gä. si fine bitz ä tschuppeletä gsi. corinne rene u nino, chrigä tömu naelle u yänu, res u matteo, beat chrigä luana u elio, bärnu jaslä fiona u leo. u mir natürli 🙂

auso i cha gloub scho sägä, d sira het ä hennä coole tag gha!!! no mau, häppi börsdei!!