so…

i bi so öppis vo ko, sägi öich. u vo was äch … genau: vom sünnele! isch ja o mau nid schlächt.

Luca isch am morge 2.5 stund i surf kurs gange. das het ihm passt. gseht scho fine bitz guet us. är cha emu scho meh wo ig…isch ja o nid schwirig … chönnti äuä nid ä mau ufem brätt stah. jä nu … drfür chani mis füdi bim zumba scheike … 🙂

hüt hets dr ganz tag nid viel wind gha. gölä isch nid ä mau närvös worde. är wird o elter. Er het ja gester u vorgester hammer wind gha. Auso gester hets üs zwüsche düre fasch dr vo kutet.

mir si eigentli dr ganz tag am pool gläge … het o mau guet ta. luca isch mit sim kumpel non stop am kontroliert ume gumpe. däm seit mä free running. si gumpe über aues wo grad geit. d höchi spielt ja sicher ke roue … houptsach mi landet guet u schüsch macht mä de no grad ä bode roue … isch ja herrlich denä zue z luege.

d sira hilft o mit … aber si gumpet lieber nid so wit obe abe. zum glück.

gölä hets du nid chönne la si. Er isch no hurti übere damm tschöggerlet. nid schlächt muesi säge … i ha ja mit wöuä aber i ha gwüss nid möge.

hinä gits spagudeni, vom chef persönlich kochet. ne nei, nid ig … gölä isch am herd.