hiä no chli …
mir hei üs hiä umi anäs paar komischi sache müesse gwöhne … mir teile üses ferie huus mit ganz viel nä andere … das heisst mir hei chrötene, chlini u grossi eidechsli, grüni chlini fröschli, milionä vo chline chäferlis, gugaratschas, riesegi ameise und und und …
d linie bösse heisse nümme rennbösse sondern mega rennbösse, eifach ar strass d hand usä ha u de haute diä bösse mängisch fasch mit erä voll bräms a … zum usstige muess mä eifach so am nä fade ziä, u je nach lust u lune vom busfahrer haltet är sofort (da flügsch fasch use ) oder är fahrt gmüetlich no grad chli witer (so dass de muesch hei loufe) . besser gseit stigsch vorem ahaute us !! hi
d sira het gfunde diä chüe hiä sige wiä megerlimücklis …
d eslä loufe ume wiä hünd, eifach ohni leine …
was ono speziell isch, d küdermanne hei so näs chäreli am esel agmacht u gö erst wes dunkel isch ga küder isammle …
ds warm wasser vor duschi chunnt usem nä elektro grät … putzt dir auso immer eine wedä wosch a la oder abstellä … das heisst immer crocs alege …
bim ichoufe muesch ganz viel zit ha …. mängsich wartisch ä haub stund fürs zahle, obwohl nume eine vor dir isch …
o im restaurant isches üeblich, dass mä bstellt u när geit mä gmüetlich no chli ids meer ga bade, geit nämlich o lengers bismä cha ässe … emu am mittag …
am chällner muess mä pfiffe, schusch lösi di la stah … u ja nid dr zeigfinger u dr dume zämä ufha (O), wes eim guet dünkt … das wäri de grad gar nid guet …. heisst nämlich ar …… ch
d kiddis hei vor de erwachsnige kei respäckt … isch no so speziell …
für luca isches ganz speziell, dass es viel ghüder het wo umeligt, troz de eslä … da merkt mä haut scho … dass mä im nä drittwältland isch …
naselümpli kennt mä o nid … da schnüzt mä eifach use oder mi putzt am puli ab … em so gruusig …
am strand muess me de nid öppe mit em nä badtuech ufchrüze … das gits hiä nid … da hockisch eifach i sand ….
bim outo fahre isches ono so speziell, da gits eigentli keni reglä, dr stercher gwinnt …
vilech chöme üs de no anderi sache i sinn …