……..

gester am abe simer wiä scho erwähnt i diä cooli bar u när simer du no zu üsem lieblings italiener ga pizza ässe. dr maestro weiss afe scho was mir wei ässe. u därum het är äuä dänkt wo mir zur vorspiis no äs chnobli brot bstellt hei … nei nei, das gits nid …si heis ja bis jetzt o niä wöuä …so cool!!

hamer chli fest sorge gmacht wäg dr nacht, wäge gölä …bisch de hiä scho eifach verlore wedä öppis hättisch … aber äs isch aues tip top gange …

hüt simer am morge grad ga ichoufe … de heimers erlediget! i gniesses aube mega i diä lüt inne … aber gölä schienbar nid .. het nidämau mit mir i dä schuehlade wöuä …hm ….

d lüt hei o hüt wider gstuunet ab üs … ar kasse sisi ganz erstuhnt gsi …dass mir üsi sache säuber i packt hei …dr chef isch grad cho z springe u het wöuä häufe …woni du witer ghulfe ha ..het plötzlich ds froueli näbe dranne o afe säuber ipacke ..u het geng ganz gnau übere gluegt wiä ig das mache …hi

ufem heiwäg bini grad chli truurig gsi …weiss doch o nid …ha eifach hei wöuä, ha ä gsunde maa u äs gsunds chind wöuä … ha eifach grad vo auem chli gnue gha …nach zwe stund schlafe isch aues umi guet gsi … aber gheilt sisi no grad nid …si aber ufem guete wäg ….

am spätere nami heimer du no ä zwöi stündige fuess marsch am strand nah gmacht …het guet ta..dr chopf chli düre z lüfte …

hine choche mir umi dahei …..was gits äch? genau …feins fleisch u irgend öppis dr zue ….

u scho bini ume zfride..