Endlich …

So, mir si guet in parajuru acho. Äs het super agfange, und zwar heimer im zug 1. klasse chönne fahre u im hotel hets ono grad äs up grade gä. Üsi koffere u dr kite bag heimer ohni problem chönne ufgä. D nacht im hotel isch churz gis. Am 5.30 simer scho ufs tram richtig flughafe. Bir sicherheits kontrolle bini mau ohni ds kontrolliere düre cho. Dr für heisi luca usenäng gno. Är het ja o nume ä schäri im etui gha…
Beidi flüg si sehr ruhig gsi. Ds frankfuhrt hani mirs ächt überleidt, üs aunä no äs upgrade id business klass ds choufe. Äs wär würkli äs mega schnäppli gsi. Aber gölä het nid welä, är het ja o gwüsst, was mir für sitze hei. Zum glück heimer diä 1000.- nid usgä. Hei super sitze bim notusgang ga. Ha gloub no nie so viel platz gha zum hocke. Frisch fröhlich simer in parajuru acho. Zwe koffere u dr kitebag si sofort cho. Aber wo isch üsi (gölä u mini chleider koffere) ? Mir hei gwartet u ghoffet bis zletscht wo tä typ isch cho ds band abstellä. Shit, üsi täsche isch effektiv niänä gsi. I has no easy gno, ha i däm momänt ono nid richtig tschegget, dass si würkli wäg isch. Gölä het das am schalter super gmacht mit dere dame. Ok, ändere chame ja e nüt. Inzwüsche heimer ono ds outo überno u si uf parajuru gfahre. Üser lüt vom huus hei scho uf üs gwartet. Äs isch so härzläch gsi, wiä mir si empfange worde. Nach em nä früchtetäller u heisse tost mit chäs u schinke drinne simer du scho gli mau ids bett.