dürs kootenay valley …

jetzt hani doch gmeint, mir heige ä grosse cämper, aber wemä das tüschti gseht, de heimer ja ä mini cämper!!

am morge simer no chi heiss ga bade (radium hotsprings). isch sehr schön gsi. aber so bi 39gad, hesches de glich nid so lang usghaute. d kiddis heis mega gnosse im zä grad chülere wasser abem sprungbrätt ds gumpe. ha grad chli müesse lache womer bim igang si gsi. öppe 50 schwimmwesti si parat gstande. 🙂

uf dr fahrt dürs kootenay valley si immer wider vorsichts tafeli (auso extrem flisig) wäge bäre hirsche u schüsch no so grosse tier cho. aber nei, mir hei nume so äs chlises reh gseh!! das gits doch eifach nid!! bimer vor cho wiä ir grabemühle ds sigriswil. dert chame ja o häre u mi fischet zu 100% nach 5min ä fisch use. aber o denn hei trachsus erst nach öppe zwe stund mit hilf vom nä holländer ä fisch gfange.

nach dr passhöhi im yoho national park hei mir mit hundert andernä o aghaute für diä spiral tunnels (bahn) ga z luege. ok, si eifach zwöi löcher (tunnäu) im bärg gsi u aui si wiä wild am fötele gsi. hm, ok! aber am gölä hets gfaue 🙂

womer üse platz fürs übernachte organisiert hei im kicking horse campground simer witer zum zwöit höchste (254m) wasserfall vo kanada. marco het mir scho vo afang a angst gmacht wäg dr strass. si isch öppe so gsi wiä ids gastere hindere. bire kurve het mä gar nid i einisch ume möge. saaage isch agseit gsi. das wär ja no gange, aber gölä siner super komentär drzue, het mir rächt ufe mage gschlage, grrrrrrrr!!!! d strass het übrigens zic zac road gheisse.
aber äs het sich extrem glohnt. isch u schön gsi. dä wasserfall heisst übrigens takakkaw falls.

übrigens simer hüt no dür nä ehemalige waldbrand gfahre. extrem idrücklich gsi!

ou sorry du chlins tierli, oder besser gseit öich heimer ja ono gseh. aber jetzt eifach no dä cheibä bär!! mir setze aues uf morn. mir gö ufene cämping mit 90% sicherheit, dass bäre ufs gländ chöme. juhuiiiii! hallo bär!

jetzt hets säch gölä äs feins bierli verdient!! prost uu merci fürs fahre!!