zufall …

hüt nachem zmorge bini no mau chli ga chille. bi müed gsi. d sira u luca heisech im waud u bim holz schiddä vertörlet u gölä isches schüsch am gniesse gsi. das üs söfü gfalle het, heimer üs entschide, dass mir no mau ä nacht blibe. gölä isch du ufd suechi nachem ranger für ga ds zahle. so usem haub schlaf hani uf zmau ghört: ja nume fahre, isch guet so! em das isch doch mire schwo ire stimm. hurti usegumpet u scho han sä gseh. isch ja mega zufall. si grad ufe platz näbe üs cho. eigentli heimer nümme dr mit grächnet, dass mir si no mau vor vancouver gseh! 🙂

übere mittag simer ids stedtli nakusp ga zmittag ässe. isch äs mega cools härzigs stedtli gsi! am nami simer när ab a beach no chli ga bädlä. mir si mit dä stand up paddels underwägs gsi. mega schön. ruhig glatte see u eifach, hommmmmmmmm!

schmiddis hei du o mau probiert. bi auso extrem überrascht gsi vo mire schwo. ufs brätt gstige u eifach dr vo gfahre. bi hu hets chli sehr waggelig usgseh. eigentli scho me wiä ufem nä schüttubächer. waggel waggel 🙂 am afang hei mir üs auso ehrich gseit scho chli amüsiert, sorry hu! 😉

zum nacht heimer natürli umi fein brätlet. i ha wider dä fein salat dr zue gmacht u gölä das mega feine fleisch. luca het umi flissig holz gschidde u d sira ud anja si im wald ume krablet.

d pop corn wome ufem füür cha mache, isch so ds chlinä häi läit vo de kiddis. u si natürli o fein.

pop pop

da gölä immer am fötele isch het är du afe self is gmacht am strand … sorry schatz. vo jetz a, tue ig fötele!!