häppi börsdei …

hüt het gölä geburi gha. mir hei ihm natürli am 8ti mit em nä lute häppi börsdei liedli gweckt. d kiddis si sofort grad ga päckli hole. vor sira het är ä football becho u vo luca äs knobbel spiel. vo mir het är no nüt becho, aber ke panik, das chunnt de no 🙂

dr camper heimer dekoriert gha. uds zmorge hei d kiddis vorbereitet. merci

dr näbu isch hüt leider erst am spätere nami wäg. isch auso no so komisch gsi. uf üsere site hets näbu gha u uf dr andere site isch z schönste wätter gsi!

mir si du no zum long beach glüffe. wow … usem dichte näbu si d surfers füre cho. extrem speziell. Leider het üs ds meer ires paradies id welä zeige. schad!

am abe simer umi mit em psycho freak bösfahrer uf tofino gfahre. ehrlich gseit, we dä mi taxi chauffeur wär gsi, wäri nid igstige! är het so längi dünne blondi fäde haar gha, ä schnuz bis zum chini abe o nä riiiiiisigi brülle. zum pägä het är usgseh. aber glich, simer froh gsi, dass mir mit ihm hei chönne fahre. d musig het är umi diä glichi gha. är het sis i-phone am mikrofon akläbt gha. so hets när tönt wiä usem nä gramophon 🙂

ds ässe im schooner isch hammer gsi. i ha feine lachs gha mit riis, d sira fish and chips luca ä burger u gölä äs curry mit ganz hüüfnä meeresfrücht. Zrug bim camper heimer no chli gführet.