tofino u straaaaaaaand!!!!
Gschlafe heimer eigentli guet. isch aber rächt chaut worde. u am morge hani welä erfriere. aber nachem warme kafi vor usse, isches o mir umi guet gange.
Hüt simer uf tofino gange. het also würkli no ä gratis bös hiä. us erschts isch üs ds ganze fänster fasch use gheit, aber das sigi normal, het dr friki bösfahrer gmeint. Ds stedtli het üs mega gfaue. hiä ä surfshop dert äs beizli hiä äs wasserflugi u dert äs böötli. Eifach schön.
Leider isch dr näbu am morge no chi ume gsi, aber mir hei ja gwüsst, dass o dä mau wäg geit uds schöne wätter füre chunnt. Wases mit denä schuh uf säch het, wüsse mir o nid so gnau. aber äs gseht haut lustig us!
Ds stedtli het viel sache us holz. eifach heimelig.
übrigens hets sogar hiä ä mega super coole skatepark gha!
Wo du dä cheibe näbu wäg isch, heimer üsi sache packt, inkl dä zwöi sup wo mir mit gno hei vo dahei, u si ache a beach. für mi isch ds wasser ehrich gseit liecht ds chalt gsi. aber für d kiddis isch das kes hinderniss gsi, ga ds bade. hei du zwar hine zwe schlümpf us chind gha aber o das isch glich! si heis extrem gnosse. luca isch über nä stund am probiere ds surfe gsi mit em sup!
hinä heimer feini steak u äs grosses speerribs u pop corn für ufe grill. ä rost heimer übrigens hüt chönne choufe.
u das isch de no so nä schööööööne sunneundergang …
Hei. I wünsche euch ganz e schöni Zyt.L.G Verena und Werner