i wär scho ging gärn ä fischer gsi …

31 July , 2012 Off By Marco

hütt het üs üses kinder-summer-ferie-wunsch-programm nach sigriswil i grabemühli zum fische gfüehrt … nota-bene fasch ä chli der höhepunkt vo dere wuche – mau äs sälber gfangnigs ässe ufem tisch …

DSC03349DSC03350

so wit so guet … mir sie emu du 2 stund speter mit stolzer bruscht u erhobnigem houpt mit drü filetierte forälle (zwe sogar lachs-forälle) heizu gfahre u hei di ruschtig ufe grill gleit …. mmmhm isch das fein gsi!

DSC03355

We dir per zufall würded vo dene böse grücht kentniss übercho, dass die gemeine fische üs zwöi mal mit samtem zapfe wider vor angle si gsprunge – Gölä eim fisch ume halb see isch nachegsprunge wüll dää wider usem netz isch gumpet um vom tod ds flüchte, u bi Luca öppe zäh mal nume dr wurm isch wäg knabberet worde – de … ja de … ehh dir wüsst wie das bim fische ja so isch … da wird we dr tag läng isch, viel verzellt …