Göle isch parat …

So … nach zwe tag jammere, sälbele, ische, hochlagere u viel liebi vo mire frou bi ig langsam aber sicher wider bi de lüt … cha scho liächt am strand na jöggele u d’Stäge nimeni wie äs jungs rehli … ja ja mit 38igi isch me das no – oder 😉 Ig denke vorallem het o di brasilianische version vor voltaren salbi am meischte würkig zeigt … die bruchesi o im zoo we sech d’elefante öppis verstucht hei.

Ir z’wüsche zyt bi ig zum chnöi-experte worde u kenne dank dr gumpert, wikipedia u hudert andere website ds inneläbe vo mim chnöi bis uf jedi fasere …

mi sälbst diagnose isch ä inneband zerrig vom grad 1 … wes meh wäri so dörfte ma ja für äs paar Wuche ke Sport meh mache … u für das simer ja schliesslich nid id ferie. so itze aber gnue mit chranke gschichte u füre luege uf ds Wucheändi …

Hüt düre tag hei mirs mal ganz gmütlich gno u d’chind hei nachem zmorge no mal äs paar stund gschlafe … i dänke o sie si langsam i de feriä acho. Am namitag simer de no chli ä strand ga sünnele, sandburge boue u id wälle ga bade.

I gkouft hei mir oscho – mir si hüt mau mit em outo id betziks stadt Caucaia wos ä noie Supermercado het … mega feini sache (fleisch, fleisch u fleisch) … mir si aber wider ä chli agluegt worde wie d’aliens.

Hinech gits öppe wider mau ä pizza bim scheff rulio.