Massasch, Hängematte u blaue zäiä

6 October , 2018 Off By Administrator

Ach het das guet ta! Nachem zmorgä öppe so uf diä 9 isch d marilaci mini massöse cho. Hami scho gfreut. Jetzt chanis aubä mega gniesse u si hets voll im griff. Dä wo m kennt, weiss, dsi sit öppe em nä jahr problem it dr schultere ha. In zwüsche chani mi arm umi rächt bewegä. Ha mega freud. D manne si afe a strand. Komischer wiis isch d stimmig am strand närvös gsi. D sira cha jetzt scho rächt guet chere bim kite. I hare vo witem chli zue gluegt. U när het si plötzlich ä uhuere flug gno. Ui ui ui, hani nume so dänkt. U när isch äs momäntli grad nümm passiert. Em sira…. Ha du gseh, wiä dr neno zu ihre isch u dr zac het sä när use treit. Hm, i ha du miner sache am strand zämä packt u bi ga luegä. Ha aber zerst no ads andere ändi vor lagunä müesse loufe. Bisi dert bi gsi, isch si scho umi gäge ds wasser ghumplät. Si het säch dr fuess bim lande verdräit. Aber diä zwe jungs hei guet zuerä gluegt. Dr blau zäiä het si aber nid vo dert, dä het si vorem kite am nä stei agschlage …

Luca bringt mä aubä fasch nümme usem wasser. Äs gfallt ihm sehr. Är probiert hüfe tricks us. Übrigens schlaft är immer ir hängematte. Das ir nacht meistens stürmt, puttelets d hängematte immer chli. Zum znacht heimer nomau grilliert. Ds fleisch het mega fein usgseh, schö rosarot. Drzue hets häble u salat gä. Eigentli heimer no ids hotel welä ga musig lose, aber aller ussert i hei am 19.30 scho töif gschlafe 🙂