Z morgä u Franz

Hüt simer im hotel näbe dranne ga zmörgele, wil üser huuslüt ja frei hei gha. d scheffi het üs scho erwartet. Isch hennä fein gsi, vorallem d pfannkuchen. Bir kiteschuel heimer du ds fränzi u dr dömü troffä. Si heimer scho vor zwöi jahr hiä lehre kennä. Mir hei üs mega gfreut, si ändlech umi mau ds träffe. Si wohne ja schliesslech mega wit vo üs wäg. Sicher öppe 40minute vo thun wäg …

d sira isch umi i kurs, d manne ufs wasser u i bi am strand na ga loufä. Od kite beach boys hei üs umi kennt. Isch no härzig.

am abe simer zum franz ids andre hotel ga znacht ässe. Dert gits näb brasilianischer o östrichischi chuchi. Mir hei rindsfilet gha ud kiddis gordonblö.

übrigens hei mir bscheid becho, dass si üsi koffere hei gfundä. Super guet, aber si chunnt (sött) erst am friti 🙁 . Jetzt hoffe mir natürli ganz fescht, dases se o klappet!