Koffere Wind u Kitekurs

27 September , 2018 Off By Administrator

Am morge hani welä ga dusche. Tja,ha ja nidemau äs duschmittu hingäge de när früschi chleider. I däm momänt isch mir dr lade ache. U jetzt?? Bisch ds brasiliä u hesch kener summerchleider. Zum glück hani mis bikini ids handgepäck gno!!! Ui ui ui, das wär de grad no viel schlimmer gsi. Ds dusch u deo heimer vo dä kiddis chönnä bruche u luca het üs mit tshirt usgholffä. Shit shit shit. Gölä isch ir nacht no uf gsi, für denä vor condor ga zs schribä. Vilech chame die suech akton chli beschleunigä. Nachem mega feine zmorge mit früschem sälber gmachte brot u viel frücht simer richtig stand. Mir si du im dörfli no uf chleider sueci. So dasmer öppe je zwöi tshirt hei. Bir kiteschuel simer mit em nä urchigä servus begrüesst worde. Dr neno (kite lehrer) het säch mega uf üs gfreut. Är isch ä iheimischä aber isch äs jahr in östrch gsi. Het so zur sira gseit, du wilsch ei kite kurs machen? Ja, möchte ich. OK, um 13.00 beginnt er. Da het mes grad lär ghöre schlücke bir sira. Em ja, das können wir. Är het sä so öppis vo überruplet, da isch du üses frolein sprachlos gsi. Isch aber ä super entscheid gsi. Luca u gölä si O no ufem wasser gsi.
Am abe hets gmües u reis gä. Öppe am 18.30 simer ids bett.