ferieeeeeeeee …..

so, gester simer auso am füfi fertig gsi mit packe u lade. das hets gloub no ni gä! so richtig entspannt heimer grad ids bett wöllä, wo d sira isch cho ds jammerä: i ha umi ä buggu. oh nei, das gits jetzt eifach nid!!für di wo d vorgschicht nid kennä, d sira het ä zahnhaus entzündig wo nid wot heilä. oder besser gseit sit zwo wuche heimer dr zahn zue u äs isch nie meh äs problem gsi…aber genau am abe bevor mir id ferie wei ga….tja, mutti het du no hurti am haubi zäni am abe üsere super guete zahnärztin, genau du bisch gmeint salome :-), äs sms gschribe … hilfeeeeeeeeeeeeeeeeeeee … mir hei üs du doch am haubi füfi entschide ds fahre. u sihe da, dr buggu isch vo allei wäg gange … uffff da heimer umi mau schwein gah! ok, jetzt wüsse mir emu wases uf französisch heisst u zahnärzt gits hiä ja o. leider nid settigi wiä d salome!

chum hocke ig ja ines outo, schlafe ig sofort i. das isch letscht nacht o umi so gsi. z erst mau bini nach drü stund umi vervachet, u när bini natürli grad umi sofort igschlafe. gölä isch diä ganzi strecki töif gfloge. het ke verkehr u nüt gha! merci schatz.

wiä immer heimer ds toulon bi rot sofort d fänster abegla u när hättis eigentli so sölä töne: wow, isch das schön warm, juhuiiiiiii! dieses mau isches du chli anders gsi: machet sofort d fänster ufe, äs isch chaut :-(((( … das heimer no nie gha. d palmi lö d grinde ono la hange, äs het näbu isch chaut u nass! hmmmm, aber mir gä d hoffnig nid uf…dr frühlig chunnt scho morn!

da ds wätter ja nid guet isch, simer du dr chühlschrank ga fülle. mir wärde gloub aut: 30 verschidnigi riiis sorte, x verschidnigi banane sorte, fleisch vo hiä bis dert, und und und. wahnsinn das angebot wos da git!!!!

jetzt weimer de ga znachtnä … bis