TLB – The Lams Blog

credits to www.killedthewind.com

weni dä bricht hüt am morge hät gschribe, wärs gloub nid so guet gsi. i bi eigentlich bis uf öppe drü stund die ganzi nacht wach gsi u bi jedem hüestli vor sira hani grad sofort liecht gmacht u ds beki parat gha. wo ig du so müed bi gsi, hets du eifach bi mir nume no so ta….i bi gloub aubä ä roboter gsi früecher…

nei, d sira het nume äs paar mau u no chli mee erboche. aber jetzt nach däm tag muess i säge, zum glück!! si het praktisch nümme ghuestet. schleim sei dank!!

so, am morge simer du üsi kreditcharte ga us fahre. das het ire mega spass gmacht. i gloube diä chästli vom decathlon heis ire a ta. hi…auso ehrlich gseit hets o üs spass gmacht. bim thai simer du ga ässe u bim kiabi heimer du no so die letschte ichöif gmacht.

am nami simer am pool gsi. ds wasser isch schön warm. aber da no öppis, i muess grad wider lache weni das schribe. d kinder neopren sige schiens im pool verbote, weiss niemer eigentich warum, aber äs isch äbe so. wo du 4 kiddis im länge neopren si am bade gsi, isch du dr muratori vor boustell sofort da gsi u het im nä nid ganz so schöne ton gseit, das es äbä verbote sigi. die vier kiddis hei nä nume so läng agluegt heis aber du tschegget u heise abzoge. dr muratori het das äuä falsch verstande u isch du ad reception ga versterchig hole. u was für eini. är isch öppe 2 meter gross ca 49kg het ä churzi igel frisur ä chugeli rundi brülle latzhose u so nä art wanderschuh gha. ü är isch ja öpper ganz wichtigs het me gmeint (aber das isch äbe nid so). mit em stächschritt vo 1,5 meter distanz vom einte zum andere fuss isch är düre igang düre cho u latschet doch samt de schuh dürs fuessbecki düre. auso i ha ja nümme chönne vor lache. aber är isch ganz streng witer glüffe u isch zu den kiddis wo scho lengstens wider am bade si gsi ga diskutiere. obwohl si dr azug scho lang nümme hei anne gha. siner pflotschnasse schueh het är zwöi drü mau usgschüttlet wiä ä nasse hund u isch wider zrug ids büro. äs git scho komischi mönsche uf dere wäut.

hiä simer du no aui zämä ga znachtne unde im camping beitzli. mhhh isch fein gsi. so, u für morn hoffe doch uf meh wind, für mi maa!

wie versproche isch hüt ä super summer tag gsi, het das guet da!!

am morge simer nachem outdoor zmörgele zforderst ufd insle u si ga die auti pirate ritter oder so ruine ga sueche. äs isch mega schön gsi, u glich hani aubi chli angst mit de kiddis so dr klippe nache, äs geit ja schliesslech öppe 200m z loch ab ids meer. gset super us aber äbä…

natürli sisi du no so ufene usichts punkt ga abe luege. i nid!!

dr räscht vom tag hei mir am pool verbracht. äs isch mega heiss gsi. marco het du am spätere nami no dr gröst kite gstartet, aber o für dä hets nid glängt. är isch du chli am strand blibe u het sech vorgstellt är sigi ire souna. so bi 26 grad ar sunne u no im länge neopren, das muess ganz schön gsi si. hi ! i gloube da hei mirs am pool besser gha.

hine isch wider brätle agseit. mhhhhhhhh……

so, jetzt isches sowit gsi u mir hei dä geburi i volle züg gfiret. gester am abe heimer du no hurti chli mittu gmixt, da d sira doch tatsächlech dr falsch krupp het übercho. jä nu, jetzt isch si umi fit.

d erbeer turte isch wie gseit mega fein gsi u kinder party isch super gsi.

zum glück het du dä sturm u dr räge am mittag ghört gha. für üs guet u füre gölä nid so. är het sech uf dä hammer tag gfreut. aber dr wind isch du scho i dr nacht cho, so dass mir gmeint heige, mir flüge de öppe samt em hüsli dr vo.

wosech du dr luca, janick, matteo, naelle ud sira büch vollgschlage hei mit turte chips süssigkeite schoggiei u cola si si du no ga nä film luege. haut eifach so richtig gmüetlech. ne nei, vorhär sisi wie sturmi hüener ufem spielplatz ume gseklet. das pöiseli hei sisech du verdient. das du grad so ruhig isch gsi, hei mir erwachseni du mit fire agfange. zerscht o chueche u när du käse baguet terrine igleiti tomate u natürli wii u bier. d sira het viu gschänkli u grüess übercho. merci viu mau!!!!!

so, jetzt isch gölä no hurti gane pizza hole u när isch de öppe mau zit für ids bett.

si gloub aui ko, ussert vilech luca nid, dä het si mittagsschlaf wider mau i volle züg gnosse (i sine dicke trainer hose u em dicke kapuzepulli u si ipod i de ohre).

hüt heimer am morge flissig ostereier gfärbt. das isch ja mega lustig gsi. göla isch ja ga kite. när isch no ä rundi spielplatz agseit gsi u du eifach no üses obligate mittags schläfli. das tuet sech immer verlängere. isch ja o schön … emu für mi ….

am nami oder besser gseit am spätere nami simer du no i mac öppis ga schnouse, ja ja, mutti het umi mau ungstört ids internet wöuä, aber leider si du nach ca 15 min d baterie vom laptop tot gsi. e ja!!

vor 5 jahr si mir sit langem umi eis are ostere dahei blibe. nach vilne ostereier suche um nä feine znacht hani du am morge am 3 chli buchweh gha, am 4 simer du zfrutige bide schwigerelter itroffe. am haubi füfi simer du im spital gsi u am 5.26 isch si du scho usegflutscht. i ha du am ostermänti (denzumau am 12.april) nid im pool badet sondern ir gebärwanne z frutige obe. isch ja scho chli ä underschied. jetzt füf jahr speter simer wie immer z mobile home am dekoriere, dass de ja aues stimmt wed madame am morge ufsteit. ballön u so nä girlande heimer kouft. morn het si de ires mini geburi festli mitere super feine erdbeer turte vom beck. mhhhh

so, jetzt hoffe mir ufene ruhigi nacht (jetzt hueschtet zwar d’sira mega) u de bis morn……

Endlich mal eine Windprognose (für heute und morgen in Almanarre) wie es im Lehrbuch für gelungene Kite-Tage seht:

Trotz Wolken und ein paar Regentropfen am Nachmittag war der heutige Samstag bereits Mega, mal schauen ob die Spagetti heute Abend auch für die 38er Böen von Morgen reichen.

Der einzige Wehmutstropfen ist das bei Ost-Wind in Hyeres über Ostern ca. 1000 Surfer und Kiter auf eine Breite von 300m gedrängt werden und von den geläufigen Vortrittsregeln nicht mehr wirklich viel übrigbleibt …. aber bitte immer schön lächeln!

nachere einigermase ruhige nacht um nä woking türli hei mir bi strahlendem warme wätter dusse zmorge gässe. auso i ha gmeint äs rägni hüt.. hm, nach gester morge het äuä dr monsieur da obe im himmel tatsächlech erbarme gha mit mir u är hets la schiene. jupiiii ye!!!!!

d sira hets du gschafft, dass si vom ärdbode verschwunde isch u üs so ine liechti agspannti situation bracht het. dr adrenalin spiegu isch rassant i d höi gange. o mann, wo isch si äch umi häre. nach äs paar lange minute heimerse du zwe strasse witer obe am nä zmorgetisch vo bekannte gfunde……….da hets du hurti schnäu gwürblet….

nachem bsuech am pool u näs paar längi reläxti minute ufem ligistuhl hets du schnäu öppis zmittag gä (lachs brötli). marco isch du für äs paar stund ga kite. luca ud sira hei äs mittags schläfli müesse ga mache u i bi häppi use ga sünnele. äxtra hani ä höchere faktor igribe, dass mi de ja nid verbrennt, aber nei, z nächst mau nimi wider mini saubi, hummer lässt grüssen…

wo du z fridne mändi mit em breite smili isch zrug cho, simer du no hinger üsi ichöif für über ostere u natürli für ar sira ire geburi!!

hine hei mir du öppe äs kilo schwinsfilet ufe grill ta. dr zue hets no spragelrisotto gä. ou nei stimmt doch gar nid, si nume öppe 750gr gsi!

so, jetzt gömer da grad ids bett, mi dünkts marco heigi grad chli längi arme übercho….hi

so, zum glück heimer umi mau ä gueti nacht gha. luca het super gschlafe u das ganze chli verdout (dä mittu sei dank). är isch zwar immer no rächt müed aber das chunnt de o umi.

leider isches hüt am morge nid so schön wätter gsi u äs hes nach rägä usgseh, trozdäm hei mir chönne dusse zmörgele. wo ig du no ha gwüsst dases ir schwiz wunderschön isch het du mis gmüet ä tolle toucher gmacht. sch…. hani dänkt. jä nu, i ha du dechi übere chopf zoge u bi ga schlafe. womer alli verwachet si, het du d sunne gschune u mir isches o wider besser gange.

luca het üs ä zedu gschribe, dass si dusse sige, aber si hei ke muet gha eifach so z ga, ohni üs öppis z sägä. isch ja scho härzig.

nachem kafi bim spielplatz simer du no chli a strand. marco hätti no chli wöuä ga kite, aber da müesstis eifach no chli wind drzue ha. dä het hüt äbä gfäut!!

hine tüe mir umi fein brätle…..mhhhh u morn isch ostereier färbe agseit…

hüt hets sit em morge früh ändlech mau wind. marco het du siner sache packt u isch ga kite. das tuet im grad sehr guet, nid dass är de nächst nacht umi vo sine projekt tröimt u mi chunnt cho wecke ………. hi

nachem mittagsschlaf gömer de vilech no chli ga schöpperle. hiä hets sonä risigä spielzüglade. de gömer de üsne kiddis öppe öppis ga choufe. das heis si ja verdient, luca wil är so tapfer isch uds sira dass si so einigermasse geduld het we mir üs luca widme. das isch zwar mega schwirig für üses girli, aber das muess si o lehre….

so, jetzt hoffe ig, dass mir im nächste bricht id wider müesse über ne rückschlag vo luca brichte ……………………….

marco isch übrigens inzwüsche mit em nä risige grinse im gsicht retour cho. yes ………..

Nach all den mehr oder weniger guten News rund um nächtliche Projekt Alpträume oder Spitalbesuche, hier wieder mal ein paar Zeilen und Impressionen von der Sonnen-Seite des Lebens:

Unser neuer Camping-Grill freut sich jeden Tag auf’s neue auf das 1a Sortiment von Fleisch (Rinds-Filet für 20 Euro / Kilo), Fisch und etwas Gemüse zur Dekoration …..