Zum Abschluss isch du dr Luca no altersgrächt uf d’Kinder-Isebahn

Hie ä Idruck wies die böse Fahrer würede mache … mir si du chli weniger schnäll unterwägs gsi:

Cöle und Luca haben den Tag sogar heil und mit “nur” zwei Stürzen überstanden.

wirklich ein lohnenswerter Ausflug … wir gehen noch mehr!

Blick vom Niesen richtung Thun/Steffisburg

D’piste isch immer no voll blätter, aber es isch so troche das es tip top gange isch.

D’mama isch du o umi froh gsi wo beidi manne ohne blessure si daheime gsi … u itze machemer ä feie brate ufem grill …

fleisch simer aber du när id metzgerei ga choufe, füre am abe uf üse grill. am nami isch marco u luca ga wandere. drü stund sisi gschuenet. aber mega zfride sisi umi hei cho…u härzi die zwe!!

d sira u ig si die meisti zit am pool gsi. heis o mega gnosse.isch auso schön warm gsi im pool.

nachem znacht heimer du no aui zämä ä dvd gluegt. isch lo härzig gsi, d kiddis heis gloub so richtig gnosse mit mama u papa…..

haj jajaj, isch das abgange..die ganzi zit äs hölle gejole u gschrei, immer lüter u immer meh. u das jedesmau wemer umi öppis ids ichoufs chörbli gleit hei. äs het richtig afe zable u wild tue da im fächli hinge. je necher das mir zur kasse si cho desto wilder het das ding ta…u jetzt de grad….jupiiiiiiiiiiiiiiiiiiiiiiiiii, da hets sechs aber mega fest gfreut wos ändlech isch gsteckt worde. när wo aues verbi isch gsi u mir vor näm nä bärg ikouftem gstande si, hetsechs umi beruhigt u isch jetzt umi ganz unschinbar z hinderst im fach vom portmone. äs isch ja nume z kreditchärtli gsi..:-))

aber womer nid schlächt gstuunet hei, isch nach dr kasse gsi, wo mir vor däm bärg ikouftem gstande si. ä sack, das wäri ja jetzt aber ganz grosse luxus gsi..das heimer fasch nid chönne gloube, dass me niene i däm super sportlade ä täsche het übercho. jä nu, mir heis du akzeptiert u si aui vier voll belade ids outo zrügg…

am nami simer no a pool u luca isch du no mau ä rundi ga fische. aber dasmau ohni erfolg. leider..

zum znacht hets äs spargel risotto vom gölä gä…fein isches gsi..

u jetzt si scho umi au im bett. äs isch doch erst viertel vor nüni. jä nu, gani haut o…

a ja genau, gester womer si ga znacht ässe, isches u fein gsi. aber die manne hei unbedingt dusse wöuä ässe. fasch erfrore heimer du die pizza gässe u si du sofort hei ga ufwärme. ha auso fasch 10 stund brucht, bisi umi ha warm gha…………….super!!

när isch du dr papa ufs wasser u mir ads wasser. ä pool chli ga gniesse. d sira het nid unbeding wöuä ga. aber luca hets sech fasch nümme gspürt..

nachem zmittag ässe si du d jungs umi ga fische. aber das mau mit de richtige würm. heisi emu gseit. nach öppe 40 minute isch luca voll im nä züg inne cho z springe. mama mama, dr papa!!! du muesch sofort äs boot use schicke!! sofort, chum chum. em ja momänt mau. was gnau isch los. weisch dr papa, är isch zmiz im meer u dr schirm het är im wasser. ok…. das tönt würkli nid so guet. i bi du ga luege u marco isch scho wäg gsi (am land). bi ja scho froh………..merci luca!!

chli später isch är du mit em nä riese fisch dr här cho. mann isch dä luca stolz gsi! mir heinä oder besser gseit är het nä du i chüeuschrank ta.

nachem apero si du d jungs hinders fisch usnä. zum glück bini grad am dusche gsi!! i ha nume ghört…jetzt schnide mir dr buuch uf, u när düe mir aues wo da inne isch use nä, z härz, d niere und und und. mir isches ja scho nume vom zue lose fasch schlächt worde. si zwe hei das suverän gmacht. jetzt heiemr zwöi rise fisch filet ir gfröri. i schetze mau je maximum 5 gramm. süess hä!!!! aber luca weiss jetzt o, wiso mä diä chline fischli wider zrug ids wasser muess la ga!!!!

jetzt gömer mit rüeggseggers ga znachtne………

mir si du aui zämä ga diä feine baget choufe. mir hei üs so richtig gfreut ufs französische zmorge.

luca isch du gli mau mit dem nachbars giu, em denis ache a strand ga fische. i ha ja nid äs guets gfühl gha drbi. aber marco het das gmänätscht. mit em nä komische gfühl im buuch, hani mi du probiert ufs läsä z konzentriere. isch mir aber mega schwär gfaue. nach öppe 30 minute isch är du cho z springe u het müesse cho hose wächsle. är sigi durm dri keit. i ha nume ganz töif igschnufet u dr bi äs lächli uf mis gsicht drückt.härtti aber lieber grad ume afe referiere wiä das gfährlich sigi und und und. är isch du mit trochene chleider ume drvo gsprunge. äs het ja mega pressiert, vilech isch ja ä fisch ar angle…:-))

när öppe 10minute speter isch är umi cho. dasmau si siner chleider troche gsi aber ä rise grosse chräbu het sini brust verziert. ok, mutti het natürli gsaubet u eigentlich gar nid wöuä wüsse wiäs passiert isch. är het nume ganz churz verzellt, är heigi drum diä isestange nid gseh..em ok. mir isch natürli grad sofort düre chopf öb äch d starchrampf impfig no gültig isch. luca isch du wider los zottlet. är isch du no einisch cho hose wächsle…

zum glück sisi du när wider uäche cho. aber gfange heisi nüt diä zwe. si heigi drum nid die passende würm gha..;-)

am nami simer no am pool gsi. u da isch du dr wind cho. rüeggseggers si du ono verbi cho. sie hei grä äs paar chüeche bracht. bim nä kafi heimer diä alli verdrückt. u was isch du passiert, är sira ire erst zahn isch usegheit. isch das ä sach gsi………….mega stolz isch si nä aunä ga zeige. chunnt ächt d zahnfee hiä o?????????

marco u thömu si du no ufs wasser.beidi si du mit em nä lächle im gsicht am sibni wider hei cho. zum zacht het marco ud sira zerst lachs u grövettä uf em nä salatbett gmacht u när heimer no äs feins antercot mit hörndli gha.

d kiddis si fasch abem bank gheit, so müed sisi gsi. jetzt isches ganz ruhig worde im mobil home. äs si nämlich aui am schlafe ussert ig. aber i ga jetzt o. guet nacht!!

nach ca 24 sekunde, MAMA, i muess sofort ga bisle!!!!!! em ok..:-))))

d kiddis hei ire nöi dvd player gnosse uf dr 6,5 stündige fahrt. ne nei, si hei natürli nid dr ganz wäg dörfe luege!!!

marco het üs super schnäu u sicher uf hyeres gfahre.merci du held!!

zum glück heimer üses dahei grad sofort chönne beziä, u wiä immer isches super suber gsi! z zmittag simer a beach ga ässe. mmmmhhh isch das fein gsi….

när simer uf ichoufs tur. äs het doch immer so feini sache i däm lade. i kouft heimer grad für zwo wuche. em momänt mau, mir blibe doch nume eini!!

dr gang zum pool isch eifach gsi, äs isch nämlich herrlich warm gsi. d kiddis hei nid gnue übercho.

zum znacht hei du d manne grilliert. mmmmhhhh eifach perfekt. mutti het teigware gmacht ud sira isch ir hängematte ume tschillt.

nachem znacht bini du no chli ufem bank abgläge…bi ja schliesslich müed gsi vom outofahre. o weni nume bi näbä dranne ghoket u sicher drü stund gschlafe ha.

marco het d jung mannschaft ids bett da, u mi drzue. nachere fuess massage, wo ig übrigens au abe we marco dahei isch überchume, bini schins sofort igschlafe……..

… oder doch nicht … ich werde mal die kinder fragen.

für alle die an zoologischen hintergrund informationen interssiert sind … hier der link zum blobfisch auf wikipedia

Press Pass from killedthewind on Vimeo.

Drum u passend zum thema hie no äs paar schnee fötteli vom letschte wucheändi uf engstlige: